ចែក​រំលែក​ចម្រៀង​របស់​អ្នក​ជាមួយ​កាស​ស្ដាប់​ Crossfade M-100

Crossfade M-100 ​គឺ​ជា​កាស​សម្រាប់​ស្ដាប់​មួយ​ប្រភេទ​នៃ​ V-Moda ​ដែល​ត្រូវ​បាន​បង្កើត​ឡើង​បន្ទាប់​ពី​មាន​មតិ​ស្ថាបនា​ជាង​ ២០០ក្រុមហ៊ុន​ អ្នក​ថត​សំឡេង​ DJs ហើយ​និង​ Audiophiles។​ ការ​រចនា​របស់​វា​គឺ​មាន​លក្ខណ​ស្រដៀង​ទៅ​នឹង​V-Moda Crossfade LP​ ដែល​ជា​កាស​ជំនាន់​មុន​របស់​វា​ ប៉ុន្តែ​វា​មាន​រន្ធ​ដោត​ចំនួន​ពីរ​ គឺ​យើង​អាច​ស្ដាប់​ចម្រៀង​ពីរ​ផ្សេង​គ្នា​ក្នុង​ពេល​តែ​មួយ​បាន។​ គេ​បាន​ផលិត​កាស​នេះ​ឡើង​ដោយ​បាន​ច្រោះ​យក​សំឡេង​យ៉ាង​ច្បាស់​ល្អ​ និង​កាត់​បន្ថយ​សំឡេង​រំខាន​ពី​ខាង​ក្រៅ​យ៉ាង​មាន​ប្រសិទ្ធភាព។​ មិន​តែ​ប៉ុណ្ណោះ​យើង​ក៏​អាច​ចែក​រំលែក​ចម្រៀង​ដ៏​ពីរោះ​ដែល​យើង​កំពុង​ស្ដាប់​ទៅ​ឱ្យ​មិត្ត​ភក្ដិ​ក៏​បាន​ ដោយ​សារ​តែ​ Crossfade M-100 ​បាន​បន្ថែម​នូវ​រន្ធ​ដែល​អាច​ដោត​បន្ត​បាន​នៅ​លើ​កាស​ស្រាប់​តែ​ម្ដង។

លក្ខណ​សម្បត្តិ​នៃ​ Crossfade M-100
- ជា​ប្រភេទ​កាស​គ្រប​ពី​លើ​ក្បាល
- មាន​ខ្សែ​ប្រភេទ៖ Single-sided cable និង​អាច​ដក​ចេញ​ចូល​បាន
- Channels: Stereo
- Inline controls: Volume, Mute, Microphone
- មាន​ស្រទាប់​ការពារ​សំឡេង​រំខាន
- មាន​រន្ធ​ពីរ​សម្រាប់​ស្ដាប់